Aao Batein Kar le
Raat ki ankho me seyahi n jamne paye
Subh ki mehti khusboo n thamne paye
Thodi der saanson ki rawani kar le
Aao batein kar le
Jo Ghubaar dil me dafan hai wo nikal hi jaye
Paon ki bediyan aaj khul hi jaye
Mauka phir ye mile ya na mile
Aao batein kar le
Kuch tum apni kehna kuch tum hamari sunna
ek nayi baat nayi soch suhani kar le
reh gayi baat jo wo purani kar le
Aao batein kar le
Rasmo riwaj ki zanjeero se pare
Aao hum tum kahin khwabon me mile
kar le dur aaj shikwe aur gile
in budhi soch me jawani bhar le
Aao batein kar le
|